دفنت الحزن في قبر الضلوع أللي بكت فرقاه

[فارس]

أللي , الحزن , الضلوع , بكت , دفنت , فرقاه , قبر

دفنت الحزن في قبر الضلوع أللي بكت فرقاه

أخبي الشعر عن عينه أخاف إنه يجي يقراه
أخاف أكدر إحساسه بحزنٍ يكسي إحساسي


دفنت الحزن في قبر الضلوع اللي بكت فرقاه
وأجر الآه بحروفٍ بكت في صدر كراسي


دموع الشعر ،حرمان المعاني ، همهمات ، وآآه
جمر هجر، ودموع فراقّ في حبري وقرطاسي


أنا بعت الخلايق كلها والناس لجل رْضاه
لأنه كان لي ربعي وأهلي وديرتي وناسي


أحبه والله الشاهد وهذا البعد ما أقواه
أكابر وأتظاهر بالصبر لين إنكسر باسي


أنا من لي بعد عينه ؟ أنا ما أبغي سوى دنياه
أبيه بسيف وصله يطعن همومي وهوجاسي


بكى في داخلي طفلٍ بحبه والوفا رباه
أنا وهذا الطفل عقبه يتامى واليتم قاسي


نسى قلبٍ جعلته خاتمٍ في خنصره خلاه ؟
نسى حبي؟ نسى قربي؟ نسى اللهفه بأنفاسي ؟


نسى ذيك العيون اللي تموت بطلعة محياه ؟
نسى دافي عتابي والغرام الشامخ الراسي ؟


يقول القلب: لا تنساه وأقول: شلون بس أنساه!
أنا وشلون أبنسى من غرامه تاجٍ لراسي ؟


هذاك اللي أنا وإنته يا قلبي ليأمر طعناه
هذاك اللي بنظره من عيونه يَورق يْباسي


هذاك اللي تفز الروح ولهانه على طرياه
هذاك اللي بغيابه/ عن عيوني أبعد نعاسي


ياليته يرجع ويرحم خفوقٍ ذاب من فرقاه
ياليته يرجع لقلبي ويحيي موت إحساسي

المصدر: الجبيل كافيه - من قسم: الكافيه الأدبي الثقافي

---

]tkj hgp.k td rfv hgqg,u Hggd f;j tvrhi hgp.k hgqg,u f;j ]tkj tvrhi

[مصورة محترفه]

صح لسان الشاعر
يسلم ذائقتك

[العبدالقادر]

الله يعطيك العافيه
شكري وتقديري