طريقه المندى بالفرن

[سلمى]

الموحد , بالفرن , طريقه

طريقه المندى بالفرن

نبدا بالبهارات
( بهار دجاج . مشكل . ك**ره . كمون . ليمون اسود . فلفل اسود . دارسين . ملح . زنجبيل . هيل . بهار بحريني . )
الحين بعد ما غسلنا الدجاجه نبدا في عمل الثقوب فيها لكي تدخل البهارات بهذا الشكل


بعدها نحضر ليمونه وملعقة خل كبيره وملعقة زيت كبيره ونضععهم على الدجاجه ونحركها جيدا

ونضع البهارات تصبح بهذا الشكل




اتركيها جانبا وابدأي ببشر جزره واحده لكل دجاجه بهذا الشكل



الان قطعي فلفل اخضر حلو تقريبا واحده لكل دجاجه وقطعي راسين بصل متوسط وطماطتين متوسطتين في الحجم
( طبعا كل وحده تزيد اللي ترغب فيه وتنقص اللي ماترغب فيه يعني انا عادي اضع 3 روس بصل ونص فليفله)
قطعيه بهذا الحجم



بعد غسل الارز 3 كاسات ورق لكل دجاجه
( عادي اذا حبيتوا تزيدوا )
نضع ملعقتين ونص ملح ونذوبهم جيدا مع الارز ونضيف ملعقتين كبار زيت وقليل من الصفار بهذا الشكل





ثم اضيفي الجزر للرز



ثم اضيفي باقي الخضار والماء يكون مرتفع عن الارز بمفصل اصبع ويصبح بهذا الشكل



الحين نضع شبك الشوي طبعا هذا الشبك عندي حق الشوايه المهم تصير بهذا الشكل
وبعدها ندخلها الفرن ساااعه كامله





طبعا بين فتره وفتره شيكوا على الدجاج اذا تحمر اقلبوا كذا





وعلى مايستوي نجهز الفحم علشان رحيته تصير وااااااو
جهزي فنجال وقصدريه وضعي قليلا من الزيت





لمايستوي المندي نضع الدجاج على الرز كذا





ونضع الفنجال في وسط الدجاج وهو فيه الزيت
ونضع الفحمه بعد مانشعلها جيدا
وبسرعه نغلق القدر نص دقيقه او اقل واخرجي الفنجال
لان الكربون مو صحي احنا نبغى الريحه فقط
واخيرا ضعيه في طبق التقديم

المصدر: الجبيل كافيه - من قسم: كافيه أطباق وأذواق

---

'vdri hglk]n fhgtvk hgl,p] fhgtvk 'vdri