الجبيل كافيه - لو تصير .. كفوف خلق الله خناجر

لو تصير .. كفوف خلق الله خناجر
وأنطعن فيها / واموت .. براحتينك

بأرتحل لأجلك .. من جروحي وأهاجر
بس لا تسأل إلى من غبت ( وينك؟ )

اشهد إن البُعد .. بعض احيان فاجر
وانت (ياقلبي) عسى .. ربي يعينك

وش عليك !!؟ الدمع لو .. بلّ المحاجر
ما يهمك / لــ نها \ ماهيب ، عينك !!

ولو يموت الضيق .. غصّه بالحناجر
انت ماهمّك ، تجاوب \ وُرق تينك !!

مو مهم انك تحب ( أنسان هاجر )
و أنت عارف / إنه يموت بحنينك

وهو يحبك صح .. لكن فيه حاجر
ولا به إلا الصبر / باقي في يدينك

ليت لـ قلوب البشر .. نلقى متاجر
واشتري لك قلب .. يفضح لك كنينك

قلب !! / لكن يابعد هـ القلب شاجر !!
ممممتلي عشق ٍ .. تبلّه ("غيمتينك")

و إلا أنا رجال .. بـ الدنيا / مهاجر
شايل ٍ حبك / متاع [ و ] وردتينك

وإنتظاري ، لك / ودمع ٍ بالمحاجر
وخوفي الله / و الوعد بيني وبينك

و ( اتبلا وأتهم ) و أقول ( هاجر )
(منت هاجر) / بس .. ودي راحتينك